XX. mendeko Euskararen Corpus estatistikoa

Testuingurua

Errore-mota honen eragina gutxitzeko asmoz, ondo kalibraturiko tresnak erabili eta neurketak burutzerakoan kontu handia izan beharko dugu.

Lortutako emaitza zehatza dela esango dugu, errore sistematikorik ez dueneko kasuan.

Haatik, errore sistematiko guztiak desagertarazi edo zuzendu baditugu ere, zenbait aldiz errepikaturiko neurketen kasuan lorturiko balioak, ez dira berdinak izango.

Balio hauen arteko diferentziak adierazten dituzten erroreak, zorizko erroreak dira.

Errore hauen zergatikoak ezustekoak dira, adibidez, neurketa-baldintzen bat-bateko aldaketak, esate baterako, presio-, hezetasun-, edo tenperatur baldintzenak.

Neurketa berdina zenbait aldiz errepikatuko duen experimentatzaileak, ez du eskuarki emaitza berbera lortuko, aipatu berri ditugun zergatikoetaz gain, experimentatzailearen beraren egoerak ere eragina baitu.

Argi geratu da, beraz, zorizko erroreak ezin izango ditugula desagertarazi, baina konpentsatu egin ditzakegu, neurketa-kopuru handia burutuz.

Emaitza baten zorizko errorea zenbat eta txikiago izan, hainbat eta emaitza doiagoa dela esango dugu.

Argi utzi behar dugu, emaitzen errorea ezin dugula zero bihurtu, nahiz eta neurketak ardura handiz burutu eta hainbat aldiz errepikatu.

Kasu idealean, errorea neurketa-tresnaren bereizmenari zor zaio.

Ondorioz, edozein magnituderen egiazko balioaren ezagupena ezinezkoa da.

Dena den, egiazko balioaren estimazioa baino ez dugu lortuko, estimaziorik onena izango delakoan.

Berau erdiesteko prozedura eta berarekin loturiko errorea kalkulatzeko metodoa, jarraian deskribaturik aurkituko dituzue.

I.3. NEURKETA ZUZENAK

Demagun, magnitude bat neurketa zuzenen bidez determinatu nahi dugula.

Horretarako, magnitude horren neurketa-sorta bat burutu dugu, ustegabeko erroreak zuzentzeko asmoz.

Lortutako balioak xsub1,xsub2,..,xsubn badira, egiazko balioaren estimazio onentzat ( batezbesteko balioa hartu ohi da eta berau honela adierazten da:

Balio hau, magnitudearen egiazko balioa ez bada ere, zenbat eta neurketa gehiago egin, bi balio horiek (egiazkoa eta batezbestekoa) hainbat eta elkarretik hurbilago egongo direla argiro ikus daiteke,(...)